Esparru-hitzarmena Euskal Herriko Unibertsitatearekin.
EHUk, Gipuzkoako Campusean kokatuta dituen Zentroen bitartez eta, bereziki, Eibarko industria ingeniaritza teknikoko Unibertsitate Eskolaren bitartez, hitzarmen-marko bat sinatu du elkartegiaren sustatzailearekin, Eibarko Teknologia Elkartegia garatzeak sortuko dituen aukerak aprobetxatzeko, honako arlo hauetan:
- Kualifikazio eta espezializazio handiko heziketa akademikoa eta praktikoa mekatronikan eta elektronikan.
- I+G+b proiektuetan elkarrekin parte hartzeko ekimenetan laguntzea, talde mistoak osatzeraino ere iritsiz. Interes komuneko gaien inguruko ekitaldi publikoak, mintegiak eta hedapen-jardunaldiak antolatzen eta gauzatzen laguntzea.
- Berrikuntzarako eremu komunak finkatzea, esate baterako, ikasgelak (birtualak edo fisikoak), sortuko diren azpiegitura berriak aprobetxatuz.
- Garapenaren eragile desberdinen artean komunikazio-bide bateratuak finkatzea: arlo akademikoa, teknologia-zentroak, enpresak, erakunde publikoak eta gizartea, premia berriak identifikatzeko eta horiei aurrea hartzeko helburuz.
- Tekniker-IK4 erakundeak eta Eibarko Teknologia Elkartegiko beste eragile batzuek EHUko Gipuzkoako Campuseko Zentroetan bereziki nabarmendu diren ikasleak aldi baterako hartzea, berrikuntzarekin zerikusirik duten proiektuetan edo beste jarduera batzuetan parte har dezaten.
- Tekniker-IK4 erakundeko ikerlari eta kudeatzaileek ikasleei zuzendutako gai bakarreko hitzaldi edo ikastaroetan parte hartzea. Ikasketetako eta/edo titulazioetako gaietarako edukiak garatzen laguntzea.
- EHUko Gipuzkoako Campuseko Zentroetako ikasleentzat aukera libreko kredituak amortizatzea Tekniker-IK4 erakundeak antolatutako ikastaro, jardunaldi, mintegi eta hitzaldietan parte hartzeagatik.
- Gradu-ondoko programetan esku hartzea.
